Kaluluwang Uhaw

-


06/22/2010
Kuta wato

Putok! Nagdilim ang Kalangitan
Hiyaw, Sigaw at Iyak ang napapakinggan
Nagpula ang lupang binagsakan
Halimaw tumawa at nasiyahan

Hinagpis at puot, naninikip ang dibdib
Nakamaskara na Katarungang huwad
Galit na bagang at kuyom na mga palad
Gigiit sa katarungan maputol man ang lubid

Sa hinukay na banging pinaglagyan
Namamayani pa rin sa bawat kaisipan
Dinanas ninyong kawalang-hiyaan at kahirapan
Nagbagang bakal na tinutusok ang aming kailaliman

Kapatid, Kasama, Asawa o Magulang
Silang mga walang awang pinaslang
Hindi awa ang kanilang karainga't kailangan
Ito ay ang alab at bagwis ng katarungan

Nakakalat na sa buong lipunan
Ang lasong hatid ay ganid at pagkagahaman
Katanyagan, Kapangyarihan at Kayamanan
Sasakalin lahat nakaharang sa daanan

Mga buhay at galanteng mga bwetre
Ilalim ng katawa'y inuuod, walang silbi
Nakakalason na dugo at laway
Tatabunan din ng lupa't mamamatay!

Ang pulang pagsilang ng haring araw
Ulan sa umaga at dapit-hapon
Didilig at magpapataba sa mga halama't lupa
Uhaw at tigang na mga kaluluwa

Hiyaw, Daing at Sigaw ng mga Kaluluwa
Katarungan upang makapahinga na
Dito sa mundong ibabaw at saan man
Hukom at katumbas ay dapat sa may sala

Huwag mag-alala aming mga sinta
Hinding-hindi tatahimik hanggang sa lumaya
Hindi matatabunan ng lupa at bato
Katarungan ay ihahandog namin sa inyo

Lumiyab ka bangis ng katarungan
Magliwanag at lipulin ang kasamaan
Huhukayin, Sisisirin at Liliparin saan man
Mabigyan daan ang tunay na katarungan!

Hangga't katarunga'y mailap
Hindi ibinibigay, kulang at salat
Hindi maaanod ng mapanghamong alon ng dagat
Mga kaluluwa ang sa katarunga'y tutulak

photo source: 
A vigilante-style killing that victimized two drug suspects in Rosario, Pasig, on Sept. 23. —RAFFY LERMA
https://www.google.com.ph/search?rlz=1C1CHBF_enPH761PH761&biw=1366&bih=613&tbm=isch&sa=1&ei=CPgLWtLID4H08AWg_7KADQ&q=tokhang&oq=tokhang&gs_l=psy-ab.3...374275.375411.0.376081.7.6.0.0.0.0.0.0..0.0....0...1.1.64.psy-ab..7.0.0....0.qcEfWSLV7lQ#imgrc=I09wsfqA-mFSHM:

Mga Komento

Mag-post ng isang Komento

Mga sikat na post sa blog na ito

TULA: Tumataas, Nagmamahal

-
Imahe
Hindi ang oras ng pagsasama, hindi ang ating kulitan hindi ang ating samahan, hindi ang ating lambingan dahil di naman natin magawang gumala tanging sa pangarap na lang muna dahil di naman kita mailibre dahil di pa sinwerte dahil di kita maisamang manood ng sine dahil kahit ang huminga malapit nang may bayad paano nga naman kaya pag-iibigan umunlad Kung ang mabuhay ay ang mahal ngunit ang buhay ay di nagtatagal kahit mamili ka ng tahak na landas kung ang mamuhay naman presyoý kay taas nagmamahal, tumataas itong mga presyo ng bilihin, pati na ang buwis at mga bayarin pamasahe sa de-gulong, de-kuryente at paglipad sa hangin  tubig, kuryente, langis at bigas, hindi ang buhay na patas hindi ang sahod at benepisyo, isinapribado ang mga serbisyo lumaganap ang kapitalismo, lahat pinagkakakitaan ginawang negosyo naghari kalakarang neoliberal, ipinapatupad ng mga hangal tumataas ang presyon ng dugo, nagmamahal libingan sa sementeryo tatamis man ang
Magbasa nang higit pa

Tula: Si Lumad Nasaan?

-
Imahe
Sinubukan kong namnamin, Di ko Lang seguro napansin Kahit makailan pang ulitin Sadyang ang agenda ng mga Lumad mahirap banggitin. Sa pag-ulat sa ikatlong pagkakataon Mas makinang ang brasuhan sa posisyon Mas makinang ang interes ng Korporasyon Tiyak dadanak ang dugo at di na kailangan ng kabaong. May mga hindi imbitadong bisita sa tahanan Doon sa lupaing yaman na minana Magpupumilit na papasok kahit umayaw na Paluluhurin kung ayaw makisama nang kusa Magdurugo at matagal nang nagdurugong puso Ang Lupaing tinamnan ng mga pangarap nagdurugo Ngunit hinding hindi pagugupo, hindi pagugupo Tulad ng mga nauna na, ang mga ninuno Sapilitan mang palikasin at tabunan ang hinaing Tulad ng mga damo sa malawak na lupain Sisibol at makikibakang matatag, pakikibakaý liliyab Isusulong ang karapatan sa lupa at mabuhay na sinisiil! Layout ng poster:  Joel Pablo Salud July 23, 2018
Magbasa nang higit pa

Tula: MAY PAG-ASA BUKAS

-
Imahe
Kahit na iyan na ang sabi'y nakasanayan Sa iba'y ito na ang patakaran Isang lokohan at gaguhan Tinatarantado ang karapatan Na bawat isa'y kayang presyohan Dignidad ay dinudungisan Sa dami pang natirang tulad mo Sa mga tulad mong mahalaga ang pagkatao Hindi lang nangangarap kundi kumikilos At hinding-hindi magpapagapos May pag-asa pa ang kinabukasan Dahil may isang ikaw na di kayang bayaran Nakasanayan na ang gapangan May kalakaran pang takutan Humantong pa ang iba sa patayan Nabasag dating pagkakaibigan May pag-asa pa rin ang kinabukasan Dahil may isang ikaw na di kayang bayaran Hindi naman baka sakaling lakbay Ikaw lang naman ay naniniwalang tunay Na madami ang tulad at kagaya mo Na mahalaga ang turing sa bawat boto May pag-asa pa rin ang kinabukasan Dahil may mga tulad mong di kayang bayaran Ang tulang ito ay para sa iyo Para din sa kanilang tulad mo Hindi naman talaga sa halalan lang Maabot pagbabagong in
Magbasa nang higit pa