Tula: Kailan lalaya?

-

03-05-2011

Kailan ako lalaya sa mga gapos ng kawalan?
Kailan ako lalaya sa rehas ng kahirapan?
Kailan ako lalaya sa bakod ng karahasan?
Kailan ako lalaya sa silid ng kasinungalingan?
Kailan? Kailan?

Kailan ako lalaya sa agos ng indibidwalismo?
Kailan ako lalaya sa bakas ng kaisipang patriarchal?
Kailan ako lalaya sa hampas ng diskriminasyon?
Kailan ako lalaya sa takot sa kamatayan?
Kailan? Kailan?

Kailan ako lalaya sa brasng may-ari ng kapital?
Kailan ako lalaya sa bangin ng pananamantala?
Kailan ako lalaya sa aliping kaisipan?
Kailan ako lalaya sa pansariling mga dahilan?
Kailan? Kailan?

Kailan matapos itong kailan?
May liwanag bang masisilayan?
Ang kailan ba’y may sukdulan?
May wakas ba ang mga katanungan?
Kailan? Kailan?

Kailan ako lalaya sa pasang pagmamalabis?
Kailan ako lalaya sa kahon ng pang-aapi?
Kailan ako lalaya sa libingan ng katarungan?
Kailan ako lalaya sa sunog na konsyensya?
Kailan? Kailan?

Kailan ako lalaya sa anino ng pangungulila?
Kailan ako lalaya sa kadena ng panlilinlang?
Kailan ako lalaya sa basurang pulitika?
Kailan ako lalaya sa kanser na kurapsyon?
Kailan? Kailan?

Kailan ako lalaya sa yungib ng komersyalisasyon?
Kailan ako lalaya sa lason ng edukasyon?
Kailan ako lalaya sa mina ng kapahamakan?
Kailan ak lalaya sa tamis ng lasong kaunlaran?
Kailan? Kailan?

Kailan ako lalaya sa bangis ng militarisasyon?
Kailan ako lalaya sa trangka ng kompetisyon?
Kailan ako lalaya sa maruming laway ng pangako?
Kailan ako lalaya sa kuryente ng pangingibang bayan?
Kailan? Kailan?

Kailan ako lalaya sa balot ng maitim na budhi?
Kailan ako lalaya sa bagyo ng kontraktwalisasyon?
Kailan ako lalaya sa dikta ng merkado’t kapital?
Kailan ako lalaya sa madilim na mnoplyo sa ekonomiya?
Kailan? Kailan?

Kailan ako lalaya sa pangil ng burgisyang kultura?
Kailan ako lala sa yugo ng globalisasyong mapaniil?
Kailan ako lalaya sa bunganga ng pagka-makasarili?
Kailan ako lalaya sa tali ng pananahimik?
Kailan? Kailan?

Apoy, alab at init ng himagsik!
Tubig, buhay at agos ng pagbabago!
Lupa, kalikasan at ugat ng pakikibaka!
Hangin, ihip at hampas ng katarungan!
Kailan? Kailan?

Kuyom na kamaong nagpupumiglas!
Mga daliring sa gatilyo’y handang kumalabit!
Kaisipang handang lumaya sa kaisipang alipin!
Mga puso at damdaming nais nang umalpas!
Kailan? Kailan?

Sa panahon ng malakas na pag-agos!
Panahon ng dakilang pagkilos ng masa!
Yugto ng kahandaang suungin ang panganib ng mga hamon!
Manlaban ang uring api at magwawagi!
Kailan? Kailan?

Mga Komento

Mag-post ng isang Komento

Mga sikat na post sa blog na ito

TULA: Tumataas, Nagmamahal

-
Imahe
Hindi ang oras ng pagsasama, hindi ang ating kulitan hindi ang ating samahan, hindi ang ating lambingan dahil di naman natin magawang gumala tanging sa pangarap na lang muna dahil di naman kita mailibre dahil di pa sinwerte dahil di kita maisamang manood ng sine dahil kahit ang huminga malapit nang may bayad paano nga naman kaya pag-iibigan umunlad Kung ang mabuhay ay ang mahal ngunit ang buhay ay di nagtatagal kahit mamili ka ng tahak na landas kung ang mamuhay naman presyoý kay taas nagmamahal, tumataas itong mga presyo ng bilihin, pati na ang buwis at mga bayarin pamasahe sa de-gulong, de-kuryente at paglipad sa hangin  tubig, kuryente, langis at bigas, hindi ang buhay na patas hindi ang sahod at benepisyo, isinapribado ang mga serbisyo lumaganap ang kapitalismo, lahat pinagkakakitaan ginawang negosyo naghari kalakarang neoliberal, ipinapatupad ng mga hangal tumataas ang presyon ng dugo, nagmamahal libingan sa sementeryo tatamis man ang
Magbasa nang higit pa

Tula: Si Lumad Nasaan?

-
Imahe
Sinubukan kong namnamin, Di ko Lang seguro napansin Kahit makailan pang ulitin Sadyang ang agenda ng mga Lumad mahirap banggitin. Sa pag-ulat sa ikatlong pagkakataon Mas makinang ang brasuhan sa posisyon Mas makinang ang interes ng Korporasyon Tiyak dadanak ang dugo at di na kailangan ng kabaong. May mga hindi imbitadong bisita sa tahanan Doon sa lupaing yaman na minana Magpupumilit na papasok kahit umayaw na Paluluhurin kung ayaw makisama nang kusa Magdurugo at matagal nang nagdurugong puso Ang Lupaing tinamnan ng mga pangarap nagdurugo Ngunit hinding hindi pagugupo, hindi pagugupo Tulad ng mga nauna na, ang mga ninuno Sapilitan mang palikasin at tabunan ang hinaing Tulad ng mga damo sa malawak na lupain Sisibol at makikibakang matatag, pakikibakaý liliyab Isusulong ang karapatan sa lupa at mabuhay na sinisiil! Layout ng poster:  Joel Pablo Salud July 23, 2018
Magbasa nang higit pa

Tula: MAY PAG-ASA BUKAS

-
Imahe
Kahit na iyan na ang sabi'y nakasanayan Sa iba'y ito na ang patakaran Isang lokohan at gaguhan Tinatarantado ang karapatan Na bawat isa'y kayang presyohan Dignidad ay dinudungisan Sa dami pang natirang tulad mo Sa mga tulad mong mahalaga ang pagkatao Hindi lang nangangarap kundi kumikilos At hinding-hindi magpapagapos May pag-asa pa ang kinabukasan Dahil may isang ikaw na di kayang bayaran Nakasanayan na ang gapangan May kalakaran pang takutan Humantong pa ang iba sa patayan Nabasag dating pagkakaibigan May pag-asa pa rin ang kinabukasan Dahil may isang ikaw na di kayang bayaran Hindi naman baka sakaling lakbay Ikaw lang naman ay naniniwalang tunay Na madami ang tulad at kagaya mo Na mahalaga ang turing sa bawat boto May pag-asa pa rin ang kinabukasan Dahil may mga tulad mong di kayang bayaran Ang tulang ito ay para sa iyo Para din sa kanilang tulad mo Hindi naman talaga sa halalan lang Maabot pagbabagong in
Magbasa nang higit pa