Mubo nga Sugilanon: BEST FRIENDS IN LOVE

Suod nga managhigala si Leah ug Andrew. Dugay silang silingan ug dungan kining nagdaku sa ilang lugar. Classmate sila gikan elementary ug high school. Dungan moadto sa tunghaan ug hangtud sa pagpamauli. Sa dihang graduating na sila sa high school dunay nabantayan si Leah kang Andrew.

Daw nagselos kini sa panahong makig-uban ang dalaga sa laing mga classmate nga laki. Si Andrew usab wala kasabot sa iyang gibati. Dugay na niining gitago ang gibati niyang kaibog sa dalaga. Ug tungod lagi kay nagsaaray ang duha nga managhigala ra gyud sila ug mag-isipay nga managsoon, nabutang karon sa alanganin ang pagbati sa ulitawo ngadto sa dalaga. Sa hilom malipayon nga gibati ni Andrew ang kalipay panahon nga dungan silang moadto sa eskwelahan ug mopauli.

Usa ka higayon niana panahon sa ilang Valentines Ball, wala na gyud mapugngi sa ulitawo ang iyang gibati. Sekretong nagdala ang ulitawo ug bulak ug gitunol kini niya sa dalaga ug dayong padayag sa gibati. “Pasayloa ko Leah, apan dili na naku kaya nga magpaka-ron ingnon,” matud pa sa lalaki. “Dugay na ko nga naibog nimo. Dugay na kong nahigugma nimo, ug unta imong masabtan kining akong pag-luib sa atong sinumpaan,” dayong tunol sa ulitawo sa bulak ngadto sa dalaga. Mitalikod ang dalaga ug dayong dagan palayo kang Andrew. Wala nalipay sa gibuhat ni Andrew si Leah ug labihan ang kasuko. Paminaw niini, gitraydor siya sa lalaki. Mipauli kini nga wala gani mihuman sa maong kalingawan.

Si Andrew, magul-anon usan nga mipauli.

Walay tagdanay ang duha pagka-ugma sa eskwelahan. Naglikay-likay na ang dalaga nga makadungan ang ulitawo sadalan ug bisan man lang ang pagsugat sa ilang mga mata. Samtang si Andrew, Makita gyud sa iyang dagway ang kaguol. Wala na kini gana sa klase.

Us aka higayon niana, hubog nga misulod sa klase si Andrew. Unang higayon kini nga nahitabo tungod kay wala man gani kini bisyo. Ug gikan sa nahimutangan niini sa ilang classroom, midagan kini ug kalit padulong sa gawas. Ug dungog kayo sa sulod ang pagsuka niini. Luspad ug gipaningot ug bugnaw ang ulitawo.

Daw wala mahimutang si Leah sa kahimtang sa higala. Migawas kini ug mikuha sa canteenug ininit tubig gidala niini didto sa nahimutangan ni Andrew. Gibasa niini ang panyo niya ug gipahid sa agtang sa ulitawo, samtang gipainom niini si Andrew sa tubig. “Ngano man nga nag-inom-inom man ka? Dili man ka ingon ani sauna? Nganong naghubog man ka?” pangutana sa dalaga.

“Pasayloa ko Leah,” tubag ni Andrew. “Wala koy pulos nga higala. Nagbudhi ko sa atong saad. Wala an gud naku toyoa nga mahigugma nimo. Bisan ug unsaon naku pagtudlo akong kaugalingon nga higala ra lage ta apan lahi ang dikta sa akong dughan. Puslan man nga wala na ka nga akong higala kay mipalayo ka naman naku, wala nay rason nganong mabuhi pa,” pinatalikod dayon kini. “Sagdi lang kay last na lang ni nga pagpakig –istorya naku sa imo. Dili na taka disturbuhon. Maningkamot ko nga makabarug ug makasugod ug pormag kinabuhi nga wala ka,”pagtapos sa ulitawo sa ilang istorya.

“Andrew, Andrew! Hoy, asa man ka padulong?” masulub-ong tawag sa dalaga sa ulitawo. “Ayawg palayo, paminawa sa pud ko. Ayaw kog biyai ba. Istorya sa ta,” hilak sa dalaga. Mihunong ang ulitawo ig namulong, “Unsa pa may atong istoryahan? Nagtraydor na ko. Maulaw na ko nimo. Husto nato nga akong nasulti nimo akong gibati. Dili na naku gusto pang mahasol ka. Tun-an ko na lang ang akong kaugalingon nga kalimtan ka. Gamay naman lang ang adlaw ug graduation na, so makapalayo na ko.”

“Ah grabe pud nang imong istorya oy. Mura man pud ug wala nay pulos para nimo ang atong pinagsamahan?” tubag usab ni Leah.

Wala na naminaw si Andrew ug mipalayo na kini.

Sukad niadtong adlawa, sige na si Andrew mahubog ug dili na sige sulod sa klase. Sige na pud ug tambay sa terminal hangtud kaadlawon.

Nahuman ang graduation ug wala na gyud magtinagdanay pa ang duha.

Nakadesisyon ang pamilya ni Leah nga mobalhin nag pinuy-anan aron nga mopaduol sa usa ka unibersidad.

Milarga ang dalaga nga wala man lang gyud sila magka-istorya ni Andrew. Nagbilin na lang kini ug sulat alang sa ulitawo.

Labihang hilak sa ulitawo dihang nabasa na niini ang sulat sa dalaga.

“Hello Andrew. Sorry kayo kung wala ka naku tagaig chance. Sorry kayo kung nakalitan ko sa imong pagtug-an sa imong gibati. Sulod sa mga panahon nga wala na tay tagdanay, gimingaw ko nimo. Akong pangita matag karon ug unya ang imong mga pakatawa ug pagpasaway. Anam naku nabati ang kakulang sa akong kinabuhi nga wala n aka sa akong life. Unta mapasaylo ko nimo. Ug unta magkita pa ta otro. I LOVE YOU. Unta sa pagkita nato sunod, naa pay chance to prove ani nga words. LOVING YOU, Leah.”