Tula: Init at Lamig

-

Di maipaliwanag
Biglang nagliwanag
Unti-unting naaninag
Damdamiy di maihayag
Kumislap mga tala
Mapupungay mong mga mata
Ang matamis mong ngiti
Kislap ng hugis puso mong labi
Nakatitig lang sa iyo
Parang nabuhusan ng yelo
Nanginig hindi kinilig
Nangini at hindi kinilig
Kinausap mo at kinaibigan
Tamimi at kinabahan
Nais na sanang matunaw na lang
Malamig may pinawisan
Hanggang sa nasanay nang ika'y andyan
Kasama, kalakbay at kakwentuhan
Pakiwari nga ay tayo na
Iyon ang buong-buo na akala
Di nagtagal parang ayaw nang ika'y mawala
Ikaw na lang gustong laging makita
Mula paggising, pag-idlip at pagtulog
Ang iyong halakhak ay musika sa isip ko na tugtog
Iyong mga ngiti ang hele
Sa panaginip ko ikaw ang katabi
Iyong mga tawa ang pantahan sa kalooban
Ayaw nang sa iyo pay malayo kailan man
Pakiramdam ay ikaw na
Ang inantay na itinadhana
Ang aalayan ng mga pagsisikap
Ang hugot-lakas ng mga pangarap
Katuwang sa saya at hirap
Ang saya-saya mong kausap
At alam naman yatang iyo ding batid
Kahit di pa naihayag ang pag-ibig
Text, tawag, skype, fb at sa IG
Minu-minuto ibig ikaw lage katabi
Nangungusap mong mga mata
Ang lambing sa taengang mga tawa
Walang puwang ang mga problema
Kahit pa ang Sendong, Pablo at Yolanda
Di kinaya ang galak at tuwang dama
Oh irog at sinisintang mahal
Sandali na lang at ipagtatapat na
Bibigkasin ang mga sulat na tula
Ihahayag ang mga awit ng pag-ibig
Will be speaking the unspoken words
Di na kakalog itong mga tuhod
Isang araw nagyaya ka
Tagpong tayo lang dalawa
Dumating ako at namangha
Dalawang bangko sa isang mesa
Tabing dagat at may mga kumakanta
Sa mesa'y nakapatong kandila
Romantiko ang tema sa gabing malamig
Kinabahan uli ang dama ng dibdib
Sinalubong mo at hinawakan sa kamay
Kung katapusan man ito'y hwag sanang mamatay
Nais munang namnamin bawat segundo
Natanong sa sarili baka ito na yon
Ang pagtatagpo ng mga intensyon
Ang paghahayag ng mga damdamin
Ang pinakahihintay na pag-amin
Nagsimula kang magkwento
Natuwa namang nakatitig sayo
Tumatalon itong puso
Musika ang hampas ng alon sa mga bato
Sa gitna ng kulitan at kwentuhan
Sa gitna ng masayang usapan
Bumuntong hininga ka at nakiusap
Seryoso muna may ipagtatapat
Muling kinabahan at nananabik
Biglang pinawisan kahit malamig
Muntik nang mahulog sa bangko
Parang bumagsak ang mundo
Nais nang makipagbasagan ng ulo
Nasaksak at nabaril sa sentido
Nagpapaalam kat ikakasal na sa irog mo.

Init at Lamig
Feb 4, 2018
Lanao del Sur

Salamat sa may-ari ng larawan.

Mga Komento

Mag-post ng isang Komento

Mga sikat na post sa blog na ito

TULA: Tumataas, Nagmamahal

-
Imahe
Hindi ang oras ng pagsasama, hindi ang ating kulitan hindi ang ating samahan, hindi ang ating lambingan dahil di naman natin magawang gumala tanging sa pangarap na lang muna dahil di naman kita mailibre dahil di pa sinwerte dahil di kita maisamang manood ng sine dahil kahit ang huminga malapit nang may bayad paano nga naman kaya pag-iibigan umunlad Kung ang mabuhay ay ang mahal ngunit ang buhay ay di nagtatagal kahit mamili ka ng tahak na landas kung ang mamuhay naman presyoý kay taas nagmamahal, tumataas itong mga presyo ng bilihin, pati na ang buwis at mga bayarin pamasahe sa de-gulong, de-kuryente at paglipad sa hangin  tubig, kuryente, langis at bigas, hindi ang buhay na patas hindi ang sahod at benepisyo, isinapribado ang mga serbisyo lumaganap ang kapitalismo, lahat pinagkakakitaan ginawang negosyo naghari kalakarang neoliberal, ipinapatupad ng mga hangal tumataas ang presyon ng dugo, nagmamahal libingan sa sementeryo tatamis man ang
Magbasa nang higit pa

Tula: Si Lumad Nasaan?

-
Imahe
Sinubukan kong namnamin, Di ko Lang seguro napansin Kahit makailan pang ulitin Sadyang ang agenda ng mga Lumad mahirap banggitin. Sa pag-ulat sa ikatlong pagkakataon Mas makinang ang brasuhan sa posisyon Mas makinang ang interes ng Korporasyon Tiyak dadanak ang dugo at di na kailangan ng kabaong. May mga hindi imbitadong bisita sa tahanan Doon sa lupaing yaman na minana Magpupumilit na papasok kahit umayaw na Paluluhurin kung ayaw makisama nang kusa Magdurugo at matagal nang nagdurugong puso Ang Lupaing tinamnan ng mga pangarap nagdurugo Ngunit hinding hindi pagugupo, hindi pagugupo Tulad ng mga nauna na, ang mga ninuno Sapilitan mang palikasin at tabunan ang hinaing Tulad ng mga damo sa malawak na lupain Sisibol at makikibakang matatag, pakikibakaý liliyab Isusulong ang karapatan sa lupa at mabuhay na sinisiil! Layout ng poster:  Joel Pablo Salud July 23, 2018
Magbasa nang higit pa

Tula: MAY PAG-ASA BUKAS

-
Imahe
Kahit na iyan na ang sabi'y nakasanayan Sa iba'y ito na ang patakaran Isang lokohan at gaguhan Tinatarantado ang karapatan Na bawat isa'y kayang presyohan Dignidad ay dinudungisan Sa dami pang natirang tulad mo Sa mga tulad mong mahalaga ang pagkatao Hindi lang nangangarap kundi kumikilos At hinding-hindi magpapagapos May pag-asa pa ang kinabukasan Dahil may isang ikaw na di kayang bayaran Nakasanayan na ang gapangan May kalakaran pang takutan Humantong pa ang iba sa patayan Nabasag dating pagkakaibigan May pag-asa pa rin ang kinabukasan Dahil may isang ikaw na di kayang bayaran Hindi naman baka sakaling lakbay Ikaw lang naman ay naniniwalang tunay Na madami ang tulad at kagaya mo Na mahalaga ang turing sa bawat boto May pag-asa pa rin ang kinabukasan Dahil may mga tulad mong di kayang bayaran Ang tulang ito ay para sa iyo Para din sa kanilang tulad mo Hindi naman talaga sa halalan lang Maabot pagbabagong in
Magbasa nang higit pa