TULA: Tumataas, Nagmamahal

-

Hindi ang oras ng pagsasama, hindi ang ating kulitan
hindi ang ating samahan, hindi ang ating lambingan
dahil di naman natin magawang gumala
tanging sa pangarap na lang muna
dahil di naman kita mailibre dahil di pa sinwerte
dahil di kita maisamang manood ng sine
dahil kahit ang huminga malapit nang may bayad
paano nga naman kaya pag-iibigan umunlad
Kung ang mabuhay ay ang mahal
ngunit ang buhay ay di nagtatagal
kahit mamili ka ng tahak na landas
kung ang mamuhay naman presyoý kay taas
nagmamahal, tumataas

itong mga presyo ng bilihin, pati na ang buwis at mga bayarin
pamasahe sa de-gulong, de-kuryente at paglipad sa hangin 
tubig, kuryente, langis at bigas, hindi ang buhay na patas
hindi ang sahod at benepisyo, isinapribado ang mga serbisyo
lumaganap ang kapitalismo, lahat pinagkakakitaan ginawang negosyo
naghari kalakarang neoliberal, ipinapatupad ng mga hangal
tumataas ang presyon ng dugo, nagmamahal libingan sa sementeryo
tatamis man ang pagsuyo ngunit di pwedeng itodo
madaming ikokonsidera bago magpadala sa bugso
maitatawid kaya ng ating pagsintang kay tamis
kung sa pamumuhay ay walang kasing-taas ang pagtitiis?
nagmamahal, tumataas

di ka naman pwedeng sa trabaho regular, dahil mga kapitalista ay aangal
o mga preng at mareng, ayos lang ba ang feeling?
langoy lang nang langoy, di naman din yan mainit na apoy
kaya ang buhay na higpit-senturon ay ituloy
price surge na aagos o kaya ay malawak na kumunoy
mahal na bilihin, mataas na bayarin
tuyot na sahod, tigang na serbisyo
di pa rin ba umiinit ang ulo mo?
sige lang ng sige
hayaan na lang segurong magmahal
huwag na pansining tumaas
sa pagka-martyr mo may parangal
korona at kabaong na kay mahal
tumataas, nagmamahal

giliw, sintang mahal
aakyatin mga burol at kabundukan, tatawirin malawak na karagatan
at isang araw sa mundong ibabaw, ang ating pag-ibig mag-iilaw
ang ating sintang bayan, tataas ang kamulatan
magpapadama ng pagmamahal
humahadlang sa ating pag-irog ibubuwal

Maulan na gabi
May 2018
18:30
Somewhere

Mga Komento

Mag-post ng isang Komento

Mga sikat na post sa blog na ito

Tula: Si Lumad Nasaan?

-
Imahe
Sinubukan kong namnamin, Di ko Lang seguro napansin Kahit makailan pang ulitin Sadyang ang agenda ng mga Lumad mahirap banggitin. Sa pag-ulat sa ikatlong pagkakataon Mas makinang ang brasuhan sa posisyon Mas makinang ang interes ng Korporasyon Tiyak dadanak ang dugo at di na kailangan ng kabaong. May mga hindi imbitadong bisita sa tahanan Doon sa lupaing yaman na minana Magpupumilit na papasok kahit umayaw na Paluluhurin kung ayaw makisama nang kusa Magdurugo at matagal nang nagdurugong puso Ang Lupaing tinamnan ng mga pangarap nagdurugo Ngunit hinding hindi pagugupo, hindi pagugupo Tulad ng mga nauna na, ang mga ninuno Sapilitan mang palikasin at tabunan ang hinaing Tulad ng mga damo sa malawak na lupain Sisibol at makikibakang matatag, pakikibakaý liliyab Isusulong ang karapatan sa lupa at mabuhay na sinisiil! Layout ng poster:  Joel Pablo Salud July 23, 2018
Magbasa nang higit pa

Tula: MAY PAG-ASA BUKAS

-
Imahe
Kahit na iyan na ang sabi'y nakasanayan Sa iba'y ito na ang patakaran Isang lokohan at gaguhan Tinatarantado ang karapatan Na bawat isa'y kayang presyohan Dignidad ay dinudungisan Sa dami pang natirang tulad mo Sa mga tulad mong mahalaga ang pagkatao Hindi lang nangangarap kundi kumikilos At hinding-hindi magpapagapos May pag-asa pa ang kinabukasan Dahil may isang ikaw na di kayang bayaran Nakasanayan na ang gapangan May kalakaran pang takutan Humantong pa ang iba sa patayan Nabasag dating pagkakaibigan May pag-asa pa rin ang kinabukasan Dahil may isang ikaw na di kayang bayaran Hindi naman baka sakaling lakbay Ikaw lang naman ay naniniwalang tunay Na madami ang tulad at kagaya mo Na mahalaga ang turing sa bawat boto May pag-asa pa rin ang kinabukasan Dahil may mga tulad mong di kayang bayaran Ang tulang ito ay para sa iyo Para din sa kanilang tulad mo Hindi naman talaga sa halalan lang Maabot pagbabagong in...
Magbasa nang higit pa