Tulad ni Angel, Marami pang Anghel

-
10 June 2017

Tumulak agad sa mga HQs
Tumulong sa mga naipit para sa rescue
Iba-iba ang relihiyon ngunit di na sukatan
Di nagdamot nang mga tao'y paglingkuran
Tulad ni Angel, Marami pang Anghel
Bihira silang makita sa tv
O di mo sila marinig sa radyo
Silang maraming lakas at pwersa
Nais gumaan ang ramdam na sakit ng bakwit
Tulad ni Angel, Marami pang Anghel
Puyat, pagod at masaya pa rin naman
Silang direktang napasabak sa laban
Mga boluntaryong hindi pera ang usapan
Tumulong na sitwasyo't sa mga biktima'y malagpasan
Tulad ni Angel, Marami pang Anghel
Nagluto para tiyan nila ay magkalaman
Suportang lakas ay ang sigasig ng mga kasamahan
Marami pa silang sumuong sa gitna ng putukan
Tumulong palayain ang mga naipit sa kabahayan
Tulad ni Angel, Marami pang Anghel!
Nagdokumento, nag-ulat ng mga kaso
Madaming biktima ng pang-aabuso
Inilagay mga sarili sa delikado
Tutulong ipagtanggol karapatan at pagkatao.
Tulad ni Angel, Marami pang Anghel.
Nagbukas ng mga pinto sa mga nagsilikasan
Nagbigay-higaan sa mga mag-iinang nahihirapan
Nag-abot ng pagkain, gamot at pagmamahal
Patitibayin pagkakaisang pinanday na'ng matagal.
Tulad ni Angel, Marami pang Anghel.
SALAMAT! SALUDO! RESPETO!
Kuhang Larawan ng RDRRAC Media and Information Team.

Mga Komento

Mag-post ng isang Komento

Mga sikat na post sa blog na ito

TULA: Tumataas, Nagmamahal

-
Imahe
Hindi ang oras ng pagsasama, hindi ang ating kulitan hindi ang ating samahan, hindi ang ating lambingan dahil di naman natin magawang gumala tanging sa pangarap na lang muna dahil di naman kita mailibre dahil di pa sinwerte dahil di kita maisamang manood ng sine dahil kahit ang huminga malapit nang may bayad paano nga naman kaya pag-iibigan umunlad Kung ang mabuhay ay ang mahal ngunit ang buhay ay di nagtatagal kahit mamili ka ng tahak na landas kung ang mamuhay naman presyoý kay taas nagmamahal, tumataas itong mga presyo ng bilihin, pati na ang buwis at mga bayarin pamasahe sa de-gulong, de-kuryente at paglipad sa hangin  tubig, kuryente, langis at bigas, hindi ang buhay na patas hindi ang sahod at benepisyo, isinapribado ang mga serbisyo lumaganap ang kapitalismo, lahat pinagkakakitaan ginawang negosyo naghari kalakarang neoliberal, ipinapatupad ng mga hangal tumataas ang presyon ng dugo, nagmamahal libingan sa sementeryo tatamis man...
Magbasa nang higit pa

Tula: Si Lumad Nasaan?

-
Imahe
Sinubukan kong namnamin, Di ko Lang seguro napansin Kahit makailan pang ulitin Sadyang ang agenda ng mga Lumad mahirap banggitin. Sa pag-ulat sa ikatlong pagkakataon Mas makinang ang brasuhan sa posisyon Mas makinang ang interes ng Korporasyon Tiyak dadanak ang dugo at di na kailangan ng kabaong. May mga hindi imbitadong bisita sa tahanan Doon sa lupaing yaman na minana Magpupumilit na papasok kahit umayaw na Paluluhurin kung ayaw makisama nang kusa Magdurugo at matagal nang nagdurugong puso Ang Lupaing tinamnan ng mga pangarap nagdurugo Ngunit hinding hindi pagugupo, hindi pagugupo Tulad ng mga nauna na, ang mga ninuno Sapilitan mang palikasin at tabunan ang hinaing Tulad ng mga damo sa malawak na lupain Sisibol at makikibakang matatag, pakikibakaý liliyab Isusulong ang karapatan sa lupa at mabuhay na sinisiil! Layout ng poster:  Joel Pablo Salud July 23, 2018
Magbasa nang higit pa

Tula: MAY PAG-ASA BUKAS

-
Imahe
Kahit na iyan na ang sabi'y nakasanayan Sa iba'y ito na ang patakaran Isang lokohan at gaguhan Tinatarantado ang karapatan Na bawat isa'y kayang presyohan Dignidad ay dinudungisan Sa dami pang natirang tulad mo Sa mga tulad mong mahalaga ang pagkatao Hindi lang nangangarap kundi kumikilos At hinding-hindi magpapagapos May pag-asa pa ang kinabukasan Dahil may isang ikaw na di kayang bayaran Nakasanayan na ang gapangan May kalakaran pang takutan Humantong pa ang iba sa patayan Nabasag dating pagkakaibigan May pag-asa pa rin ang kinabukasan Dahil may isang ikaw na di kayang bayaran Hindi naman baka sakaling lakbay Ikaw lang naman ay naniniwalang tunay Na madami ang tulad at kagaya mo Na mahalaga ang turing sa bawat boto May pag-asa pa rin ang kinabukasan Dahil may mga tulad mong di kayang bayaran Ang tulang ito ay para sa iyo Para din sa kanilang tulad mo Hindi naman talaga sa halalan lang Maabot pagbabagong in...
Magbasa nang higit pa