Silanga'y Pula

-
November 11, 2017
8PM
Cotabato City

1. Masalimuot
Dumaraing
Nasasakal
Ang sambayanan

2. Nagdurugo
Naghihingalo
Pakiramdam ay bilanggo
Lipuna'y nadelubyo

3. Sakyan mga Pangarap
Abutin ang mga ulap
Langit din ay marating
Sa pagkahimbing magising

4. Naiduyan ng pangako
Karapata'y nagupo
Nais silayan ang pagbabago
Humantong sa malapad na sementeryo

5. Di naman bago ang bumalikwas
Dahil sa mga dinaranas
Di naman ninais na dugo ang tagas
Sa tahak na mapanghamong landas

6. Nanghahamon
Sinong tutugon
Buklod na iguhit sa kasaysayan
Ipagtanggol ang mga karapatan.

7. Hahayaan na lang?
Magsasara ang tabing?
Babaunin ang hinaing?
Sa anim na talampakang libing?

8. Hindi!
Hinding hindi!
Hindi tatahimik!
Pipiglas, gigiit!

9. Sa ating pag-uwi
Pangamba ma'y di mahawi
Ugnay tayo sa lakbay na ito
Kasama mo at kasama ko

10. Lukso, talon, sigaw
Boses iparinig na malinaw
Mga talang tanglaw
Pupula ang silangan, sisikat ang araw

11. Hindi sapat ang mga titik
Naisulat habang nakikinig
Sa mga malutong na tawa't hagikhik
Hanggang sa muli mga kapatid

Conference on Martial Law: Implications to Peace, Human Rights and Humanitarian Work
Cotabato City
November  9-11, 2017

Mga Komento

Mag-post ng isang Komento

Mga sikat na post sa blog na ito

TULA: Tumataas, Nagmamahal

-
Imahe
Hindi ang oras ng pagsasama, hindi ang ating kulitan hindi ang ating samahan, hindi ang ating lambingan dahil di naman natin magawang gumala tanging sa pangarap na lang muna dahil di naman kita mailibre dahil di pa sinwerte dahil di kita maisamang manood ng sine dahil kahit ang huminga malapit nang may bayad paano nga naman kaya pag-iibigan umunlad Kung ang mabuhay ay ang mahal ngunit ang buhay ay di nagtatagal kahit mamili ka ng tahak na landas kung ang mamuhay naman presyoý kay taas nagmamahal, tumataas itong mga presyo ng bilihin, pati na ang buwis at mga bayarin pamasahe sa de-gulong, de-kuryente at paglipad sa hangin  tubig, kuryente, langis at bigas, hindi ang buhay na patas hindi ang sahod at benepisyo, isinapribado ang mga serbisyo lumaganap ang kapitalismo, lahat pinagkakakitaan ginawang negosyo naghari kalakarang neoliberal, ipinapatupad ng mga hangal tumataas ang presyon ng dugo, nagmamahal libingan sa sementeryo tatamis man ang
Magbasa nang higit pa

Tula: Si Lumad Nasaan?

-
Imahe
Sinubukan kong namnamin, Di ko Lang seguro napansin Kahit makailan pang ulitin Sadyang ang agenda ng mga Lumad mahirap banggitin. Sa pag-ulat sa ikatlong pagkakataon Mas makinang ang brasuhan sa posisyon Mas makinang ang interes ng Korporasyon Tiyak dadanak ang dugo at di na kailangan ng kabaong. May mga hindi imbitadong bisita sa tahanan Doon sa lupaing yaman na minana Magpupumilit na papasok kahit umayaw na Paluluhurin kung ayaw makisama nang kusa Magdurugo at matagal nang nagdurugong puso Ang Lupaing tinamnan ng mga pangarap nagdurugo Ngunit hinding hindi pagugupo, hindi pagugupo Tulad ng mga nauna na, ang mga ninuno Sapilitan mang palikasin at tabunan ang hinaing Tulad ng mga damo sa malawak na lupain Sisibol at makikibakang matatag, pakikibakaý liliyab Isusulong ang karapatan sa lupa at mabuhay na sinisiil! Layout ng poster:  Joel Pablo Salud July 23, 2018
Magbasa nang higit pa

Tula: MAY PAG-ASA BUKAS

-
Imahe
Kahit na iyan na ang sabi'y nakasanayan Sa iba'y ito na ang patakaran Isang lokohan at gaguhan Tinatarantado ang karapatan Na bawat isa'y kayang presyohan Dignidad ay dinudungisan Sa dami pang natirang tulad mo Sa mga tulad mong mahalaga ang pagkatao Hindi lang nangangarap kundi kumikilos At hinding-hindi magpapagapos May pag-asa pa ang kinabukasan Dahil may isang ikaw na di kayang bayaran Nakasanayan na ang gapangan May kalakaran pang takutan Humantong pa ang iba sa patayan Nabasag dating pagkakaibigan May pag-asa pa rin ang kinabukasan Dahil may isang ikaw na di kayang bayaran Hindi naman baka sakaling lakbay Ikaw lang naman ay naniniwalang tunay Na madami ang tulad at kagaya mo Na mahalaga ang turing sa bawat boto May pag-asa pa rin ang kinabukasan Dahil may mga tulad mong di kayang bayaran Ang tulang ito ay para sa iyo Para din sa kanilang tulad mo Hindi naman talaga sa halalan lang Maabot pagbabagong in
Magbasa nang higit pa