BAKAS

Nagbukas ng pinto at puso sa mga dayu Nakipag-ugnayan at itinuring na kadugo Ranawan, Kasila at iba pang lahi Iba man sa pananampalataya ngunit sa puso, hindi! Hindi sa puso, hindi, sa puso hindi Nagkasunod sa marka ng teritoryo Inihabilin, inihabilin hanggang sa sumunod na mga apo Kulay ng tribu, sa pagkatao simbolo Berde, luntian, kalikasan, buhay Pula ay dugo, init na bukal, may hininga, may dugo Bughaw, kalangitan, kasiglahan, kapayapaan Puti, kadalisayan ng kalooban Dilaw, kapangyarihan, bituing tanglaw Sa malayang lupain, kayamanang angkin Sa yamang ando’n, madaming nahumaling Kinutya at hinusgahan, kulang daw sa kaalaman Di lang nila alam, dahil wala silang alam Sistema, kultura, tradisyon Unang kaalaman, buhay na karanasan Ang unang sibilisasyon Sistema, kultura, tradisyon Di nila alam, dahil wala silang alam! May naglalako ng pagkain a t produkto Pagbabago, itong kaisipang modern Hindi nila alam, wala silang alam Kau

Oct 18, 2017 (2nd Kefurung Festival) South Upi, Maguindanao Di napigilan ng ulan Di nabuwag ng bagyo Ang nag-aalab na mga puso Ang daluyong ng mamamayan Kefurung, tagisan, paligsahan Kaalamang Lambangian Sari-saring laranga'y natunghayan Saksi ay masiglang pamayanan Umulan sa simula pa lang Di natibag bayang naghiyawan Nais sumaksi hanggang dulo Di na sukat ang talo o panalo. Puno ng tuwa at galak Itong pamayanang payak Sa bawat mukha kita ang saya Babae, lalaki, matanda at bata. Hindi naman talaga hangad ay premyo Nais lang ipagdiwang kaalamang-katutubo Nais magbahaginan ng mga kagalingan Bilang tribu, bilang mamamayan.

October 17, 2017 South Upi, Maguindanao Tayo, tindig, kilos, talon Sabay sigaw sa pag-ahon (Meuyag) Buhay, kultura at tradisyon Yaman noon hanggang ngayon 1. Habilin ng mga ninuno Huwag bastang sumuko Huwag maging sakim Ibahagi huwag mang-angkin 2. Ipinagkatiwalang biyaya Alagaa't pagyamanin Lupaing ninuno Syang buhay at dugo 3. Sa mga salinlahi Kayamanan ibahagi Mga awit, kultura't kwento Ipagsigawan sa mundo 4. Sumulong huwag umurong Suungin mga hamon Pumiglas at mangahas Pagbuklod ang lakas